Un dydd ym mywyd Plentyn.
Mae gwneud penderfyniadau a dewisiadau yn rhan o fywyd pob dydd oedolyn ond weithiau, i blentyn mae dewis yn beth anodd.

“Mae pob dydd yn brysur – mae’n rhaid mynd i’r ysgol, rhaid chwarae, gwisgo- cyn mynd i’r ysgol wrth gwrs – bwyta, darllen, chwarae mwy, siarad…. a dewis! A weithiau mae dewis yn beth anodd – IAWN! Beth i’w wisgo, beth i’w fwyta, dewis pa gemau i’w chwarae, dewis cerdded neu fynd yn y car, mynd i siopa gyda Dad neu helpu Mam – a dewis ffrindiau, dyna’r peth anoddaf weithiau – dewis..”

Cyflwyniad theatr i flynyddoedd 1 a 2 sydd yn edrych ar brofiadau plentyn bach a’r holl benderfyniadau ym mywydau plant ifanc sy’n gallu eu drysu weithiau a rhoi gormod o bwysau arnynt. Dyma gyflwyniad yn llawn digwyddiadau a cherddoriaeth fyw fydd yn cynnwys gwaith iaith, celf ABICH a cherddoriaeth.

Ydych chi’n gwybod sut gafodd y Robin Goch ei enw? Wel gofynnwch i rai o blant bach ysgolion Sir Gâr a Sir Benfro -bydda’n nhw’n siŵr o wybod. Pam? Am bod hon yn un o’r storïau sy’n cael ei hadrodd yn ystod sioe ‘Anrheg’, gan Arad Goch.

Mae’r sioe yn trafod rhai o symbolau’r Nadolig – yn hen a chyfredol, yn Gymreig ac yn estron. Un o’r traddodiadau tramor sy’n cael sylw yw arfer plant yr Iseldiroedd o roi clocsen allan, (yn hytrach na hosan fel a wnawn ni), i ddisgwyl am Santa. Ond mae plant yr Iseldiroedd yn rhoi yn ogystal a derbyn – noswyl y Nadolig mae nhw’n llenwi’r glocsen â gwair a siwgr ar gyfer ceffyl Sion Corn gan obeithio canfod y glocsen yn llawn cacennau a losin yn y bore.

Sioe dymhorol yw hon sy’n ceisio dangos nad anrhegion drudfawr yw’r rhai mwyaf gwerthfawr bob tro. Efallai, fel y dylwythen deg yn y sioe yma, y dylem ninnau hefyd geisio lapio hapusrwydd, gwên, chwerthin a geiriau caredig y Nadolig hwn!

Pobl ifanc eisiau hwyl a chymryd risg, eu 'oldies' eisiau iddynt basio arholiadau (o leiaf cyn gystal a phlant y cymdogion) a chael swyddi breision. Problemau oesol mewn cyd-destun modern - "Crash".

Addas i oedolion a phobl ifanc dros 14 oed.

Sut mae helpu plant i ddygymod a cholli aelod o’r teulu neu hyd yn oed anifail anwes? Dyma mae Cwmni Theatr Arad Goch yn geisio wneud yn ei gynhyrchiad diweddaraf “Yr Ysbryd”. Yn sicr mae’r pwnc yn un senstif iawn ond gobaith y cwmni yw y bydd gweld y bachgen bach 11 oed, prif gymeriad y ddrama, yn dod i dermau a cholli ei frawd yn fodd i blant ystyried y broses o alaru, o ddatblygu ac o ‘droi cornel’. “Yn y pen draw mae colled yn rywbeth mae pawb yn gorfod dygymod ag e wrth dyfu i fyny, ac os ydym ni yn llwyddo helpu plant i ddeall bod eu teimladau yn hollol naturiol, ond bod modd, gydag amser, deimlo’n hapus eto, yna mae’n werth chweil” meddai Iwan Charles sy’n cyfarwyddo’r ddrama hon gan Caryl Lewis.

Perfformir y sioe yma mewn amgueddfeydd yng Ngheredigion, Sir Benfro a Sir Gâr.
Stori Joan yw hon, merch fach a ddaeth i Gymru fel ‘evacuee’. Mae’r ddrama wedi’i selio ar atgofion a straeon cefn gwlad Gorllewin Cymru 40au’r ganrif ddiwethaf.

Sioe i flynyddoedd 5 a 6.

Perfformiadau Cyhoeddus:

Amgueddfa Ceredigion, Aberystwyth
16.11.05 (perfformiad Cymraeg)
17.11.05 (perfformiad Saesneg)
7.30pm
Tocynnau £3 o'r Amgueddfa 01970 633085

Amgueddfa Sir Benfro, Scolton Manor, Hwlffordd
7.12.05 (perfformiad Saesneg)
7pm
Tocynnau 01970 617998

Sioe un cymeriad– a thylwythen deg yw honno. Mae’r dylwythen yn defnyddio rhai o symbolau’r Nadolig – yn hen a chyfredol, yn Gymreig ac yn estron ac i ystyried beth sydd o wir werth.

Sioe i flwyddyn 1 a 2 yw hon.

Sioe un cymeriad - a thylwythen deg yw honno. Mae'r dylwythen yn defnyddio rhai o symbolau tymor y Nadolig er mwyn ceisio deall beth sydd o wir werth.

Perfformir y sioe yma yn Amgueddfa Caerfyrddin, Abergwili, Amgueddfa Ceredigion, Aberystwyth ac Amgueddfa Scolton Manor, Spittal.

Stori Joan yw hon, merch fach a ddaeth i Gymru fel 'evacuee'. Mae'r ddrama wedi'i selio ar atgofion a straeon cefn gwlad Gorllewin Cymru ym 40au'r ganrif ddiwethaf.

Mae'r sioe yma yn cynnig golwg ysgafn a chyffrous ar ran o'r maes llafur gwyddoniaeth trwy lygaid y cymeriadau holl bwysig yna- bobl y gegin sy'n paratoi bwyd i'r plant.

Sioe i flynyddoedd 5 a 6.

A light-hearted and lively play which looks at part of the science curriculum through the eyes of those very important dinner ladies.

Suitable for pupils in years 5 & 6

Drama ffraeth a phwerus sy'n dangos sut mae bywyd yn medru newid gyda Thafliad Carreg.

Dramateiddiad o ddigwyddiad go iawn. Gyda cherddoriaeth fyw yn gyfeiliant cyffrous i goctel o gomedi a chrio - dyma stori dau fachgen, nad oedd mewn gwirioned, yn fechgyn anghyffredin.

Rhai ymatebion i berfformiadau Arad Goch o'r ddrama hon yn 2001/2:

"Superb, captivating, thought provoking and answer giving. I'm so very glad that I booked the talent of Iwan and LLyr" (Ysgol Bryngwyn)

"Roedd y disgyblion i gyd yn hollol frwdfrydig - fe ddywedodd pob un eu bod wedi mwynhau pob munud." (Ysgol Gyfun Aberaeron)

"The best thing I've ever seen"
(Alex Davies (disgybl/pupil) - Ysgol Dyffryn Taf

Mae Heti a Handel, pâr o lygod bach, yn paratoi am hirlwm y Gaeaf. Maent yn wynbeu gaeaf caled o ddiffyg bwyd. Cawn weld sut mae un yn casglu bwyd tra bo’r llall yn paratoi stôr o bethau prydferth i godi ei galon yn ystod misoedd llwm y gaeaf. Cawn rannu eu helyntion a gwrando ar eu straeon, eu breuddwydion a’u cyfrinachau tra’n aros am y Gwanwyn yn eu twll bach clyd yng nghwaelod y goeden.

Dyfeisiwyd y cynhyrchiad gwreiddiol yn 1990. Bellach mae’r ddrama hon wedi ei hail-greu mewn partneriaeth a Theatr Ark, Dulyn, a gyda chefnogaeth CCAT, rhaglen Interreg a gynlluniwyd i ddatblygu’r berthynas rhwng artistiaid ar ddwy lan y Môr Gwyddelig. Mae’r cynhyrchiad newydd hwn, sy’n cynnwys cerddoriaeth fyw ac a gyfarwyddwyd gan Jeremy Turner, yn rhoi cyfle i genhedlaeth newydd o blant rannu profiadau Heti a Handel.

Mae Hel Meddyliau hefyd ar gael yn Saesneg o dan y teitl Winter Pictures. Mae hwn yn gyhyrchiad addas ar gyfer sesiynau ar ôl ysgol neu fel sioe deulu.

Un o’r cynhyrchiadau sydd ar daith gan gwmni Arad Goch ar hyn o bryd yw ‘Llyfrau’n Taro 10’. Cynllun ar y cyd ydyw â Chyngor Llyfrau Cymru, a’i brif nôd yw hybu darllen ymysg ieuenctid. Dewiswyd pedair nofel ar gyfer y perfformiad sef Adref Heb Elin gan Gareth F. Williams; Swshi Snogs a Sgribls Hogan Flêr gan Gwen Lasarus; Helo Brian gan Meleri Wyn James a Ffêc tan, Risols a Chips, Caryl Lewis. Cyfarwyddir y sioe gan Sêra Moore Williams a’r actorion eleni yw Sioned Wyn Williams, Mari Beard a Robin Ceiriog. Unwaith eto eleni cafwyd ymateb brwd i’r cynllun ac ar hyn o bryd mae’r actorion wrthi’n brysur yn teithio’r wlad yn ymweld â nifer o ysgolion uwchradd. Cychwynwyd y daith ddydd Llun, Hydref yr 16eg, ac mae’n parhau hyd y 24ain o Dachwedd. Os ydych yn ddisgybl sydd wedi gweld perfformiad, yna mae croeso i chi yrru eich sylwadau atom i’r cyfeiriad canlynol: post@aradgoch.org

Yn dilyn llwyddiant taith fer Crash yn 2005 penderfynwyd cynnig cyfle arall i'w gweld.

Drama sy'n delio a phynciau sy'n berthnasol i'n pobl ifanc yw hon - pwysau cyfoedion, disgwyliadau rhieni, alcohol, cyffuriau, digartrefwch a thrais. Yr hyn a geir yw darn o waith pwerus, bywiog a llawn hiwmor.

Mewn adolygiad soniodd yr awdures Meleri Wyn James am y 'buzz' a gafodd wrth wylio'r ddrama ac am yr egni a'r bwrlwm a ddaw o'r perfformiad. Positif oedd ymateb pobl ifanc a'i gwelodd a hynny wedi ei fynegi mewn iaith nodyn bodyn - "lol"!

Mae hon yn ddrama ac iddi apel ryngwladol.
Mae'r ddrama yn cael ei hyrwyddo bellach gan asiant yn yr Almaen ac fe fydd sawl cynhyrchiad ohoni yno o fis Medi ymlaen.

Bwriad y cynllun yw trosglwyddo'r neges i blant bod geiriau a darllen yn rhan annatod o fywyd - dylai darllen fod yn fraint ac nid yn fwrn. Perfformir yn y Gymraeg a'r Saesneg.

Wrth galon Mwnci ar Dán, mae hanes bachgen ifanc anniddyg sy’n chwilio am fywyd gwell, a’i gariad sydd hefyd a’i breuddwydion. Mae dieithryn, yn rhan o’r stori hefyd, oedolyn gyda gorffennol garw a stori drist i’w datgelu.
Mae’r ddrama yn trafod cyfrifoldeb yr unigolyn am ei hunan a thros eraill, gyda phwyslais efallai ar gyfrifoldeb bod yn rhiant.

Mae'r ddrama hon yn addas ar gyfer disgyblion Uwchradd CA 10, 11 a 12.

Cyflwyniad theatrig i blant blynyddoedd 5 a 6 sy'n gwau hen chwedlau a hanes lleol ynghyd gan ddefnyddio ffilm a thechnegau modern. Stori antur sy'n dilyn llwybr plentyn wrth iddi ddatrys cwestiynau a chanfod fod taith drwy hanes a gwybodaeth yn brofiad o ddarganfod
a chyffro.

Bydd perfformiadau yn y Drwm, Llyfrgell Genedlaethol Cymru, Aberystwyth.

Bydd y cynhyrchiad hwn yn addas ar gyfer disgyblion CA 2

Mae'r holl ddelweddau a welir yn y cyflwyniad hwn boed yn bortreadau, mapiau, paentiadau, llawysgrifau, i'w gweld ar wefan y Llyfrgell Genedlaethol a byddai plant yn cael llawer o hwyl a budd yn chwilio amdanynt :

http://www.llgc.org.uk/