Yr Ystafell Aros / The Waiting Room gan yr awdures boblogaidd Caryl Lewis fydd cynhyrchiad nesaf Arad Goch i Ysgolion Uwchradd. Anelir y ddrama at ddisgyblion blynyddoedd 9, 10, 11 a’r 6ed ddosbarth, ac fe fydd ar daith rhwng y 23ain o Fedi a’r 20fed o Hydref.

Dyma ail ddrama Caryl Lewis i Arad Goch. Mae hon yn ymwneud â hunaniaeth pobl a'r rhwystrau mae rhai pobl ifanc yn gorfod eu hwynebu wrth geisio darganfod pwy ydynt mewn gwirionedd. Dyma ddrama am dyfu i fyny. Drama sy'n cwestiynu ein syniad o 'lwyddiant'. Drama sy'n edrych ar pa mor wahanol gall aelodau o'r un teulu fod. Dilynwn frawd sy'n serennu ar lwyfannau, chwaer sy'n aros i'w bywyd ddechrau yn ôl adref a mam sydd â chyfrinach fawr fydd yn gwyrdroi bywydau'r tri am byth.

Mae'r cynhyrchiad hwn ar gael naill ai yn Gymraeg neu yn Saeseng

Mae’r ddrama yn ymdrin â phroblemau ymddygiad merch fach. Mae i’r ddrama arddull weledol gref ochr yn ochr â thraddodiad straeon gwerin a straeon celwydd golau ag iddynt naws Cymreig.
Cynhyrchiad newydd o sgript a luniwyd gan Mari Rhian Owen ym 1995.

Fe’i gyflwynir yn y Gymraeg ac yn Saesneg.

Addas ar gyfer blynyddoedd 1 a 2

Yn y ddrama “Merched y Gerddi “ cawn ddilyn profiad a gobeithion dwy ferch ifanc o gefn gwlad Gorllewin Cymru wrth iddynt deithio i weithio yng ngerddi masnachol Llundain yn ystod y 19g.
Wedi’i seilio’n rhannol ar dystiolaeth hanesyddol, gyda’r defnydd o alawon gwerin a chlocsio, dengys y ddrama wroldeb y merched ifainc wrth adael eu cynefin dros dro. Er wynebu blinder, afiechyd, lladron-pen-ffordd, ac ambell berson annisgwyl arall, byddai’r arian enillwyd gan ferched y gerddi yn cynnal eu teuluoedd yn ystod misoedd caled y gaeaf.
Yn y cynhyrchiad hwn ymdrinnir â sawl thema – teithio; bywyd Oes Fictoria; Arferion cefn Gwlad, Cyfiawnder Cymdeithasol ynghyd a delio a chyfeillgarwch a rhagdybiaethau.

Fe’i cyflwynir yn y Gymraeg ac yn Saesneg ac fe fydd ar daith o Ragfyr yr 8fed i’r 13eg o Fawrth ‘09.

Cynhyrchiad i ddisgyblion Bl. 5 a 6