Drama wedi ei hysbrydoli gan hanesion am Lis Letus, ydi'r ddrama gomisiwn yn Eisteddfod Genedlaethol Meifod 2003.


Dynes fu'n crwydro Maldwyn am flynyddoedd oedd Lis Letus, a down i wybod bob yn dipyn am ei charwriaeth anarferol yn ystod cwrs y ddrama, pan mae'n edrych yn ôl dros ei gorffennol.

Mae'r ddrama wedi ei lleoli yn bennaf yn ystafell y meddyg mewn wyrcws, wrth i Lis, (Sara Harris-Davies) sydd bellach yn heneiddio, siarad gyda'r doctor (Meilyr Siôn) mae'n datgleu hanesion am ei gorffennol a'i phresennol.

Awn yn ôl ac ymlaen rhwng y gorffennol a'r presennol, a gwelwn olygfeydd o Letus yn cyfarfod ei chariad (Iwan Tudor.)

Sioe un dyn… ac un arall ar gitâr.
Cymro Ifanc ar yr ymylon.
Dau Americanwr ifanc yn mynnu dial.
Perfformiad egnïol. Cerddoriaeth fyw wreiddiol.
Sefyllfa hynod o ddirdynnol.

Sioe Gowbois!!
Sioe am anturiaethau siryf trwsgl pentre bach Gwlff Garw, Llew Lletchwith. Ei gariad at Lwlw Lewis, perchennog salwn Gwlff Garw, a'i ymdrechion ynghyd a'i ffrind pennaf, Cen Cwrw i rwystro Gwthgan Jenkins (y badi! fu yng ngharchar San Antonio am grogi defaid) rhag saethu pob copa walltog yn y pentre.
Llu o gymeriadau difyr, hwrli bwrli o stori, a cherddoriaeth byw. A'r dynion da yn ennill y dydd dros y badi!

Addas i blant 7-11 oed

Bob haf mae Arad Goch yn cynhyrchu cyflwyniad newydd i blant i’w berfformio mewn theatrau a chanolfannau ledled Cymru. Eleni, byddwn yn creu cynhyrchiad newydd o un o sioeau mwyaf llwyddiannus y cwmni, sef LLEUAD YN OLAU, wedi’i seilio ar lyfr hardd T. Llew Jones.

Mae pawb yn hoffi clywed stori dda. Drwy ddyfeisgarwch gwaith Arad Goch cyflwynir rhan o’n traddodiad, unwaith eto, i gynulleidfaoedd cyfoes.

Mae’r llyfr LLEUAD YN OLAU yn boblogaidd ymhlith plant, athrawon ac oedolion fel ei gilydd. Bydd yr addasiad llwyfan yn cyfuno swyn a hwyl y straeon gydag arddull bywiog, lliwgar a cherddorol Arad Goch – ac yn sicr o apelio!

Drama ffraeth a phwerus sy'n dangos sut mae bywyd yn medru newid gyda Thafliad Carreg.

Dramateiddiad o ddigwyddiad go iawn. Gyda cherddoriaeth fyw yn gyfeiliant cyffrous i goctel o gomedi a chrio - dyma stori dau fachgen, nad oedd mewn gwirioned, yn fechgyn anghyffredin.

Rhai ymatebion i berfformiadau Arad Goch o'r ddrama hon yn 2001/2:

"Superb, captivating, thought provoking and answer giving. I'm so very glad that I booked the talent of Iwan and LLyr" (Ysgol Bryngwyn)

"Roedd y disgyblion i gyd yn hollol frwdfrydig - fe ddywedodd pob un eu bod wedi mwynhau pob munud." (Ysgol Gyfun Aberaeron)

"The best thing I've ever seen"
(Alex Davies (disgybl/pupil) - Ysgol Dyffryn Taf

Noder - mae'r sioe hon yn anaddas i blant oed cynradd. Perfformir yn Gymraeg a Saesneg.

Perfformir y sioe yma mewn amgueddfeydd yng Ngheredigion, Sir Gar a Sir Benfro.

Stori Joan yw hon, merch fach a ddaeth i Gymru fel 'evacuee'. Mae'r ddrama wedi'i selio ar atgofion a straeon cefn gwlad Gorllewin Cymru 40au'r ganrif ddiwethaf.

Mae’n ddiwrnod arbennig yng ngwlad y Bobinogi ac mae rhywun am gael syrpreis neis iawn. Ond tybed ai Bobin, Nib neu Ogi fydd yr un lwcus ?

Dewch i rannu yn anturiaethau’r cymeriadau annwyl yma – da’ch chi wedi eu gweld ar y teledu, nawr dewch i’w gweld yn fyw ar lwyfan. Bydd canu, cawlio, cynllwyn…a lot o sbri hefyd yn y sioe hon fydd yn siŵr o apelio at blant 3-7 oed.

Crewyd y sioe mewn cydweithrediad â BBC Cymru a chomisinwyd cwmni Masquerade o Gaerdydd i greu’r set – cwmni sydd âg enw da iawn am greu setiau gwych - felly mae disgwyl i’r sioe hon fod yn wledd i’r glust a’r llygad.

Mae Heti a Handel, pâr o lygod bach, yn paratoi am hirlwm y Gaeaf. Maent yn wynbeu gaeaf caled o ddiffyg bwyd. Cawn weld sut mae un yn casglu bwyd tra bo’r llall yn paratoi stôr o bethau prydferth i godi ei galon yn ystod misoedd llwm y gaeaf. Cawn rannu eu helyntion a gwrando ar eu straeon, eu breuddwydion a’u cyfrinachau tra’n aros am y Gwanwyn yn eu twll bach clyd yng nghwaelod y goeden.

Dyfeisiwyd y cynhyrchiad gwreiddiol yn 1990. Bellach mae’r ddrama hon wedi ei hail-greu mewn partneriaeth a Theatr Ark, Dulyn, a gyda chefnogaeth CCAT, rhaglen Interreg a gynlluniwyd i ddatblygu’r berthynas rhwng artistiaid ar ddwy lan y Môr Gwyddelig. Mae’r cynhyrchiad newydd hwn, sy’n cynnwys cerddoriaeth fyw ac a gyfarwyddwyd gan Jeremy Turner, yn rhoi cyfle i genhedlaeth newydd o blant rannu profiadau Heti a Handel.

Mae Hel Meddyliau hefyd ar gael yn Saesneg o dan y teitl Winter Pictures. Mae hwn yn gyhyrchiad addas ar gyfer sesiynau ar ôl ysgol neu fel sioe deulu.

Stori ramantus y ‘Robin Hood Cymreig’ wedi ei chyflwyno’n fywiog gan Gwmni Theatr Arad Goch sy’n arbenigo mewn theatr i blant a phobl ifanc. Bydd hwn yn gynhyrchiad llawn campau, castau a cherddoriaeth wrth i stori anhygoel yr arwr gwerinol o Dregaron gael ei datgelu. Cawn ein cipio’n ôl i’r 16 ganrif – i briffyrdd llawn lladron a pheryglon a’n llonni wrth i’n harwr helpu’r tlawd a’r anghenus. Pwy na all hoffi cymeriad drygionus fel Twm, yn enwedig os yw hwnnw’n ymladd dros ei gymuned yn erbyn anghyfiawnder a gorthrwm. Heb os mae Twm yn rhan o’n hetifeddiaeth – dewch a’r plant i ddysgu ychydig am hanes a diwylliant Cymru – ond yn fwy na dim i fwynhau awr o theatr difyr dros ben.

Yn addas i blant 7-11 oed.