yn ôl i’r dudalen newyddion

Arad Goch yn cipio Gwobr Aur!

20/05/11

Rydym yn dathlu yma yn Arad Goch heddiw wedi inni gipio Tystysgrif Safon Aur yn Siarter Iaith Ceredigion!

Pwrpas Siarter Iaith Ceredigion yw i godi ymwybyddiaeth o’r gwasanaethau Cymraeg a dwyieithog sy’n cael eu darparu ar draws y sir.

Datblygwyd y Siarter Iaith gan weithgor Dyfodol Dwyieithog Ceredigion, ar ran Bwrdd Gwasanaeth Lleol Ceredigion.

"Mae Siarter Iaith Ceredigion yn amlygu darpariaeth o wasanaethau Cymraeg ar draws y Sir ac yn agored i bob mudiad, sefydliad, gwasanaeth, clwb neu fusnes yng Ngheredigion.

Ni fydd disgwyl fod pawb yn darparu’r un lefel o wasanaeth Cymraeg ac felly datblygwyd y cysyniad o lefelau o wasanaeth, sef lefel un seren, dwy seren neu tair seren

Mae pawb yn y cwmni wrth ein bodd gyda'r wobr. "Rydym yn gwmni sy'n ymfalchio yn ein darpariaeth o wasanaethau Cymraeg ac rydym yn gweithio'n galed i hyrwyddo'r iaith a'n diwylliant Cymreig yma yng Nghymru a thu hwnt, wrth inni gydweithio a chwmniau o bob cwr byd wrth drefnu Agor Drysau, ein Gwyl Celfyddydau Perfformio Rhyngwladol"

Llongyfarchiadau i bawb lwyddodd i gipio tystysgrif yn y seremoni wobrwyo yma yn Aberystwyth heddiw.